တပည့်တာဝန်ကျေချင်ပါသည်

“တပည့်တာဝန်ကျေချင်ပါသည်”

မျက်ရည်များကြားမှ ကျမပြုံးနေသည်၊ ကျမတစ်ယောက်ထဲမဟုတ် ဝန်ထမ်းများလည်းပြုံးနေကြသည်။
ထိုအပြုံးတွေကြားထဲကမှရှိုက်ကြီးတငင်ငိုနေသူကတော့ ကျမတို့ဆိုင်မှမန်နေဂျာဖြစ်သူ Mrs.Xenia ပင်ဖြစ်သည်။
၂၇.၁၀.၀၉ နေ့တွင်ကျရောက်သော
သူမ၏မွေးနေ့ပွဲလေးကို ဆိုင်သိမ်းပြီးချိန်တွင် ကိတ်မုန့်ခွဲ၍ကျင်းပခဲ့ကြသည်။
သူမ၏မွေးနေ့မတိုင်ခင် (၁)လအလိုကတည်းက ဒီအစီအစဉ်ကိုသူမမသိအောင် ကျမကြိတ်၍စီစဉ်ခဲ့ခြင်းဖြစ်သည်။
ဝန်ထမ်းများအတွက်တစ်ပတ်တစ်ခါ ခွဲတန်းဖြင့်ရသော Tip money (ဧည့်သည်ကပေးသောမုန့်ဖိုး)

များထဲမှ မိမိတို့စေတနာရှိသလောက်ကိုစုဗူးတစ်ခုထဲတွင် တစ်လတိုင်တိုင် စုစေပြီး Msr.Xenia ၏မွေးနေ့တွင်လက်ဆောင်အဖြစ်ပေးခဲ့ကြသည်။
 

စာဖတ်သူများအတွက်တော့ ထူးဆန်းမည်မထင်ပါ။
Mrs.Xenia ၏အကြောင်းကိုကျမအနည်းငယ်ပြောပြချင်ပါသည်။

သူမ၏အသက်မှာ (၄၇)နှစ်ရှိပြီ၊ သမီး(၂)ယောက်နှင့်သား(၁)ယောက်ရှိသည်။
လင်မယား(၂)ယောက်စလုံးအလုပ်လုပ်နေသည့်ကြားမှ လုပ်ငန်းရှုံး၍အမှုနှင့်ရင်ဆိုင်နေရသည်။

သူမ၏လက်ထဲသို့လုပ်အား(လစာ)ရောက်လျှင် နေ့မကူးပဲ ကြွေးရှင်လက်ထဲသို့တစ်ပြားမကျန်ချက်ချင်းလွှဲပေးရသည်၊
ဤသို့မှမဟုတ်လျှင် ထောင်နန်းစံဖို့အထိအမှုကကြီးသည်။

သားသမီး(၃)ယောက်၏တက္ကသိုလ်ကျောင်းစားရိတ်၊ အိမ်စားရိတ်တို့ကို

 ယောက်ျားဖြစ်သူမှတာဝန်ယူရသည်။

လွန်ခဲ့သော(၂)လခန့်ကသူမတစ်ယောက်ထဲ လမ်းလျှောက်ထွက်ရင်းချော်လဲသဖြင့်
ခြေထောက်ကျိုးသွားသောကြောင့် (၁)လခန့်အလုပ်မှအနားယူခဲ့ရသည်။

သူမ၏ဘဝလေးထဲသို့ဆိုးဝါးလှသည့်ကံကြမ္မာဆိုးက ထပ်ရောက်လာခဲ့သည်၊ သူမတွင်သားအိမ်ကင်ဆာရောဂါ စွဲကပ်နေပြီ၊ အမြန်ဆုံးခွဲထုတ်ပြစ်ရမည်၊ ခွဲစိတ်ခငွေလိုပြီ၊
လင်မယားနှစ်ယောက်အဲဒီကိစ္စဖြင့်စကားများကြသည်။

မခွဲ၍မရ၊ ကင်ဆာရောဂါ၏ ကြောက်မက်ဖွယ်ကောင်းပုံအကြောင်းကို လူတိုင်းသိပြီးဖြစ်သည်။
အဲဒီနေ့ကသူမ အလုပ်သို့လာရင်းဝန်ထမ်းများနားနေခန်းအတွင်းတွင်
တစ်ယောက်ထဲ ကြိတ်၍ငိုနေသည်ကို ကျမတွေ့သဖြင့် မေးမြန်းမိရာမှ သူမရင်ဖွင့်ခဲ့သည်။

သူမအတွက်ကျမဘာလုပ်ပေးနိုင်မည်နည်း။ စဉ်းစားရင်းအကြံတစ်ခု ခေါင်းထဲသို့ရောက်လာခဲ့သည်၊
ခွဲစိတ်မှုအတွက်ကုန်ကျစားရိတ်ကို ကျမတို့ဝန်ထမ်းများက တာဝန်ယူပေးနိုင်ခဲ့ပါလျှင်
သူမအတွက်အသက်ရှုချောင်ပေလိမ့်မည်။

သူမကိုဝန်ထမ်းအားလုံးက "MUM"(အမေ)ဟုခေါ်ကြသည်၊ အကြောင်းမှာမူ.. သူမသည်မန်နေဂျာနှင့်မတူ၊ ကျမတို့၏မိခင်ကဲ့သို့ဝန်ထမ်းများကိုကြင်နာသည်၊ စောင့်ရှောက်သည်၊ဝန်ထမ်းများဘက်မှ အမြဲရပ်

တည်ပေးသော မိခင်စိတ်ဓာတ်အပြည့်အဝရှိသည့်သူမကို "မန်နေဂျာ"ဟုကျမတို့မခေါ်ရက်ကြပါ။

သူမဘက်မှဝန်ထမ်းများအပေါ်အမြဲတာဝန်ကျေခဲ့သည်။ မိဝေး၊ ဖဝေးဖြင့် နိုင်ငံရပ်ခြားတွင်အလုပ်နေကြသော ကျမအပါအဝင်ဝန်ထမ်းများ၏ဘဝကိုသူမနားလည်စွာဖြင့် မိခင်ကဲ့သို့စောင့်ရှောက်ခဲ့သည်။

ဒီတစ်ခါတော့ ကျမတို့ဝန်ထမ်းများဘက်မှတာဝန်ကျေချင်ပါသည်။ သူမ၏ မွေးနေ့သို့ ရောက်သောနေ့ဖြစ်သည်၊
သူမ၏ရှေ့သို့ကိတ်မုန့်ကိုသယ်ဆောင်လာရင်း တရုတ်ဘာသာဖြင့်မွေးနေ့သီချင်းကို
သံပြိုင်သီဆိုပြီး သူမအတွက်ဝန်ထမ်းများမှပေးသော လက်ဆောင်များကိုလက်ခံစေသည်။

မွေးနေ့သီချင်းသီဆိုပြီးသွားချိန်တွင် မွေးနေ့လက်ဆောင်များကို သူမတစ်ခုချင်းစီ ဖွင့်ကြည့်သည်။

* သူမ၏ဓာတ်ပုံကိုမှန်ဘောင်သွင်း၍ မှန်ပေါ်တွင် Soft-pan ဖြင့် ဝန်ထမ်းများကိုလက်မှတ်ထိုးထားသော ဓာတ်ပုံမှန်ဘောင်တစ်ခု။

* "For your operation"ဟုရေးထားသောခွဲစ်ိတ်ခကုန်ကျစားရိတ်ငွေ
ထည့်ထားသောစာအိတ်တစ်အိတ်။

*ဝန်ထမ်းများရေးထားသောစာအတိုအထွာများဖြင့်ပြည့်နှက်နေသော
Birthday Card တစ်ခုတို့ဖြစ်သည်။

သူမ၏လက်များတုန်ရီနေသည်။
ပြီးတော့..... ရှိုက်ကြီးတငင်ငိုသည်။
ပြီးတော့.... မျက်ရည်များကြားမှ"I LOVE YOU ALL"ဟုသူမပြောသည်။
ပြီးတော့... ဝန်ထမ်းများ၏တစ်ယောက်ချင်းစီကို အနမ်းလက်ဆောင်ပြန်ပေးရင်း မွေးနေ့ပွဲလေးကို ပီတိမျက်ရည်များဖြင့် ကျမတို့ပျော်ရွှင်စွာဆင်နွှဲခဲ့ကြသည်။

သူမရဲ့မွေးနေ့ပါတီပြီးဆုံး၍အိမ်ပြန်ခါနီးတွင်
သူမပျော်ရွှင်စေရန် ကျမတို့အသင့်ယူဆောင်လာသော အသေးစား စက္ကူမီးပုံးပျံလေးတစ်ခုကို ပင်လယ်ကမ်းစပ်တွင်လွှတ်တင်ခဲ့ကြပါသည်။

အခုအချိန်လောက်ဆိုလျှင်.... သူမတစ်ယောက် ခွဲစိတ်ခန်းထဲတွင် မေ့ဆေးအရှိန်ကြောင့် သတိမေ့မျောနေစဉ် သူမ၏ဝန်ထမ်းများရဲ့အမည်ကို ကယောင်ကတန်းနှင့်အော်ခေါ်နေမည်လား။

ဒါမှမဟုတ် ...ခွဲစိတ်ထားသောဒါဏ်ရာကြောင့် မချိမဆန့်ခံစားရင်း မျက်ရည်များကျနေမည်လား။

ကျမတို့၏"အမေ".... မြန်မြန်နေကောင်းပါစေလို့ ဆုတောင်းပေးရင်း၊ 

ကျမ...တပည့်တာဝန်ကျေစေရန်အများကြီးကြိုးစားရပါအုံးမည်။

နမ်းမ၀(အဖြူရောင်နတ်သမီး)